Հանդես՝ նվիրված հանապազօրյա հացին

Դասարանը  ձևավորված  էր  հասկերով:  Մի  անկյունում  դրված  էին  հացատեսակներ:  Հատակին փռված  էր  կարպետ,  որը  ծածկում  էր  նախապես պատրաստված  թոնիը՝  զարդարված  լավաշներով:  Մի  անկյունում  ցածրիկ  սեղան  էր,  վրան  գրտնակ,  ալյուր,  խմոր...  

 Աշակերտները  աղ  ու  հացով  դիմավորեցին  հյուրերին   ու  սկսեցին  մի  հրաշք  հանդես,  որն  ուսանելի  թե՛  փոքրիկների,  թե՛  մեծերի  համար:

Մեր  նախնիք  հացը  պաշտել  են

Աստծու  կարգին  են  դասել.

ՙՍուրբ՚ բառով հացին պատվել են

Ու  հացին ՙարդար՚ են  ասել:

Գրերի գյուտից մինչև գրատպություն

 Այո՛, մենք  կայինք նրանից  առաջ,

Քիչ թե  շատ՝  կար  հաց,

Եվ  ունեինք  ջուր,

Սակայն նա  եկավ,  որ  սնու՜նդ  սնունդ  դառնա,  

Ծնվեց,  որ  ծնենք,

Եղավ,  որ  լինենք,

Եվ  անմահացավ,  

Որ  անմահանանք...

     Օրերս    ՙԳրերի գյուտից մինչև գրատպություն՚   մրցույթ-փառատոնի  շրջանակներում դպրոցում  տեղի  ունեցավ   անմոռանալի  միջոցառում:

Մեր ուժը մեր միասնության մեջ է

Նոյեմբերի  14-ին  սովորականից  ավելի  ոգևորություն  էր  տիրում  աշխորհրդի  սենյակում:  Հավաքվել  էր  աշխորհրդի  ամբողջ  կազմը:  Նրանք  միաբերան  որոշեցին  կոչով  դիմել  դպրոցի  բոլոր  աշակերտներին  և  մասնակից  դառնալ  ՙՀայաստան՚  համահայկական  հիմնադրամի  նախաձեռնությանը:   Արագ  գրի  առան  կոչը  և  շտապեցին  ռադիոյով  հաղորդել  իրենց  մտադրության մասին:
«Սիրելի  աշակերտներ,  նոյեմբերի  22-ին  մեկնարկում  է «Հայաստան» համահայկական  հիմնադրամի  կազմակերպած  հեռուստամարաթոնը,  որը  եզրափակում  է  համահայկական  դրամահավաքը: Հանգանակված  գումարները  կուղղվեն  ՀՀ  սահմանամերձ  և  ԼՂՀ  գյուղական  շրջաններում  համայնքային  կենտրոնների  կառուցմանը:   Դպրոցի  աշակերտական  խորհուրդը  կոչ  է  անում  աջակցել  այդ  նախաձեռնությանը  և  մասնակից դառնալ  հավաքական  ուժով  մեր  հայրենիքը  շենացնելու  գործին:» 

Նրանց ոգևորությունը  փոխանցվեց  աշակերտներին,  ինչու  չէ,  նաև  ուսուցիչներին:  Մի  քանի  օրվա  մեջ  կազմակերպվեց  դրամահավաքը,  որին  մասնակցեցին  աշակերտները,  ուսուցիչները  և  դպրոցի  ամբողջ  կոլեկտիվը:  Յուրաքանչյուրն  իր  հնարավորության  սահմաններում,  բայց  որ  գլխավորն  է,   զգալով  իր  ավանդի  խիստ  անհրաժեշտությունն  ու  կարևորությունը  մեր  հայրենիքի  գոյատևման  ու  շենացման  գործում,  հավաքվեց  50500  դրամ,  որն  էլ  փոխանցվեց  «Հայաստան»  համահայկական  հիմնադրամին:  Մենք  հպարտ  ենք,  որ  մասնակից  ենք  մեր  հայրենիքի  սահմանների,  սահմանամերձ  տարածքների  ամրապնդման  ու  շենացման  գործին:

Ռոբերտ Փալանդուզյան
Մեդիա  ակումբի  անդամ  

Նախանձը լավ հատկություն է, թե՝ վատ

Բանավեճի ակումբի անդամները և  ակտիվ այլ  աշակերտներ հերթական անգամ հավաքվել էին՝  կիսելու իրենց կարծիքներն  ու  մտքերը:  Թեման ընտրել  էին  մի  քանի  ակտիվիստներ:
Հավաքվածները, ըստ իրենց  կարծիքների,  բաժանվեցին  երկու  խմբի:  Մի  խումբը  համարում  նախանձը  համարում  էր  դրական  հատկանիշ,  որը  առաջացնում  էր  մրցակցություն:  Նրանց կարծիքով  բարի  նախանձ  ունեցող  մարդիկ  միշտ  ձգտում  են  կատարելության,  ցանկանում  են  լինել  առաջինն ու  ամենալավը:

Մյուս  խմբի  կարծիքով,  ինչպիսի  որակավորում  էլ  տրվի  նախանձին՝   այն  բացասական  հատկանիշ  է:  Պարտադիր չէ  ուրիշին  նախանձելով  ձգտել  ավելիին,  կարելի  է  ուղղակի  լինել  բարի,  ուրախանալ  ուրիշի  հաջողություններով:  Երբեք  ուրիշի  նվաճումները  իրենց  անհաջողությունները  չհամարել:

    Բանավեճի  մասնակիցները  շատ  ակտիվ  էին:  Նրանցից  յուրաքանչյուրը  ցանկանում  էր ցույց  տալ,  որ  իր  տեսակետը  ճիշտ  է և  մյուսներին  փորձում  էր  համոզել:
Վերջում  բանավեճի  ակումբի  անդամները  ամփոփելով  թեման  կոչ  արեցին  բոլոր  ներկաներին  լինել  բարի,  ուրախանալ  շրջապատի  ձեռքբերումներով  և  օգնել  նրանց,  ովքեր  դրա  կարիքն  ունեն:

Շնորհավո՛ր տոնդ, սիրելի ուսուցի՛չ

  Աշնանային  մի պայծառ ու առանձնահատուկ օր էր:  Ակամա  քայլերս  ուղղեցի  դեպի  հարազատ  դպրոց...
         Դպրոցում  տարօրինակ  աշխուժություն  էր  տիրում:  Պատի  թերթերն  ու  ժպտադեմ  մանուկների  շնորհավորանքները    հուշում  էին  բոլորին  օրվա  խորհրդի  մասին:
Ավարտվեց  առաջին  ժամը:
__Ուշադրություն,  ուշադրություն:  Խոսում  է  Իջևանի  հ.3 դպրոցի  ռադիոհանգույցը:  Մեր  շատ  սիրելի  ուսուցիչնե՛ր,  շնորհավորում  ենք  Ձեզ  մասնագիտական տոնի  առթիվ...
և  բազում   բարեմաղթանքներ  ու  ցանկություններ:
     Յուրաքանչյուր  դասամիջոցի  բարձրախոսը տրամադրվում  էր  մի  դասարանի,  որոնք  իրենց  ունակություններով  յուրօրինակ  շնորհավորանքներ  էին  հղում  ուսուցիչներին:
     Տոնական օրվա  եզրափակումը  կատարեցին  ասմունքի  և  երգի  խմբակների  աշակերտները:  Գեղեցիկ կահավորված և  զարդարված  աշակերտական  խորհրդի սենյակ էին   հրավիրվել  ուսուցիչները:  Միջոցառման մասնակիցները  շնորհավորանքի և  երախտիքի  խոսքեր  հղեցին  մեծ  ուսուցչապետից՝  Մեսրոպ  Մաշտոցից  մինչև   մերօրյա  հերոս  ուսուցիչներին:

   Ուսուցիչ  ծնվում  են,   այլ  ոչ թե   դառնում:
   Որքան  էլ  դժվար ու  պատասխանատու  է  ուսուցչի  աշխատանքը,  նույնքան  էլ  հետաքրքիր  է ու  բազմաբովանդակ:  Միջոցառման  վերջում  ներկայացվեցին հումորային  մանրապատումներ.
   _Ընկեր Առաքելյան,  երեխային  չկատարած  գործի համար  պատժու՞մ են:
   _ Իհարկե, ո՛չ:
   _Բայց ես տնայինս  չեմ  կատարել:

   Միջոցառման ամբողջ  ընթացքը  ուղեկցվում  էր  երգչախմբի երգով:
Բարձր  էր  բոլորի տրամադրությունը:  Ուսուցիչնները  հպարտ  էին  իրենց   շնորհալի   աշակերտներով,  իսկ  աշակերտները  երախտապարտ  անմնացորդ  նվիրումի  և  ծնողական ջերմ  վերաբերմունքի  համար:

Աշխորհրդի նախագահի ընտրություն

            Ս.թ. հոկտեմբերի 4-ին  տեղի  ունեցավ  դպրոցի աշխորհրդի  նախագահի ընտրությունը:   Ընտրությունը  կայացավ  փակ գաղտնի քվեարկությամբ:  Քվեարկությանը  որպես  դիտորդներ  ներկա  էին  ծնողխորհրդի  ներկայացուցիչները:  
          Իրենց  թեկնածություններն    էին  առաջադրել   չորս թեկնածուներ:  Ընտրությանը  մասնակցել  էին 159 ընտրող:  Անվավեր  էր   ճանաչվել  2 թվեաթերթ: Ձայները  բաշխվել  էին  հետևյալ կերպ.

Ալլաղյան Արմենուհի - 31 ձայն

Առաքելյան Մհեր - 46 ձայն

Մելիքսեթյան Գոռ - 35 ձայն

Սայան Մանե - 45 ձայն

Այսպիսով դպրոցի  աշակերտական խորհրդի  նախագահ է  վերընտրվել  Մհեր  Առաքելյանը: Շնորհավորում  ենք  նրան և ցանկանում  ուժ  ու  եռանդ աշխատանքում:

Ընտրական հանձնախումբ

Мы изучаем Россию

19  мая  в МКЦД "Дом Москвы"  прошëл  финал олимпиады  "Мы  изучаем Россию".

Программа  олимпиады по  русскому языку   "Мы  изучаем Россию" проводилась  для  школьхиков  национальных  школ  Армении в  возрасте от 11  до  15  лет.

Программа  предполагала  три  конкурса:

1. Мини-сочинение  на  тему  "Я  люблю  тебя  Россия"
2. Конкурс  рисунка  на  тему  русской  народной  сказки.
3. Конкурс  стихов "Мой  любимый  Пушкин".

        

На  финал  олимпиады   в  г.  Ереван  были  приглашены  победители  первых  двух  туров.  Среди  них  были  и ученики  нашей  школы N 3 г. Иджеван.

Жюри олимпиады,  под председательством Б. М. Есаджанян,  выбрало  победителей конкурсов. Победители Олимпиады  получили  дипломы  и  призы.

        

 

В  число  победителей олимпиады  "Мы  изучаем Россию"  вошли  наши  ученики:

1. Мхитарян  Гоар  / 7а класс/  награждена  дипломом  за  участие  в  конкурсе  мини-сочинение.
2. Тирабян  Карен  / 8 а класс/  награжден  дипломом  за  II- ое  место   в  конкурсе  рисунка.
3. Мхитарян  Гор   / 7 а класс/  награжден  дипломом  за  III-ее  место   в  конкурсе  рисунка. 

 

За  участие  в  проекте  "Мы  изучаем Россию" дипломом  награждена  и  педагог /координатор/ школы N 3 г. Иджеван  Карташян Д. Г.

Ի՞նչ է կոնֆլիկտը

  Դասղեկի  ժամ  էր  9բ դասարանում (դասղեկ Կարինե Շաքարյան):   Դասը  «Կոնֆլիկտ»  թեմայի  ամփոփումն  էր,  թեման`  արդիական  և  առօրեական:

 Նախ  աշակերտները  ներկայացրին,  թե  ի՞նչ  է  կոնֆլիկտը,  կոնֆլիկտի թեժացման մակարդակները,  կոնֆլիկտային  իրավիճակներին  բնորոշ  վարվելակերպի  ոճերը  և  կոնլիկտների  խաղաղ  լուծման  հմտությունները:  Նրանք  նշեցին  կոնֆլիկտի  հոմանիշներն  ու  հականիշները:

 Դասարանը  բաժանված  էր  խմբերի:   Յուրաքանչյուր  խումբ  զարմանալի  ու  հաճելի  վարպետությամբ  ու  դերասանությամբ  ներկայացրեց  առօրեական    կոնֆլիկտի  մի  իրավիճակ:  Յուրովի  էլ  տրվեց տվյալ   կոնֆլիկտի  խաղաղ  լուծում:

Դասի  վերջում  ի դեմ  ամենամեծ  կոնֆլիկտի`  պատերազմի,  և  ի  հավատարմություն  ճապոնուհի  Սադակոյի  նրանք  իրենց  պատրաստած  թղթե  կռունկները  բաժանեցին  դասին  ներկա  ուսուցիչներին:  

 
Դասի   նպատակը    բոլոր  կոնֆլիկտների  խաղաղ  լուծման  հմտությունների և  կարողությունների  ձեռքբերումն  էր:   Եվ  բոլոր  ներկաների  կարծիքով  աշակերտները  ձեռք  էին  բերել  այդ   հմտությունները  շատ  սիրելի  դասղեկի  օգնությամբ,  մնում  է  այդ  կարողությունները  օգտագործել  ապագայում:

Զարմանալի, հնամենի, հիանալի լեզու

             

       

      5 բ դասարանում /մայրենիի  ուսուցչուհի Ռայա Վարդազարյան/ Մեծ Եղեռնի  տարելիցի  նախօրյակին   տեղի  ունեցավ «Զարմանալի, հնամենի, հիանալի լեզու»   մրցույթ-ստուգատեսը: Մրցույթի  նպատակներից  մեկն  է`  սիրել  ու  սովորել  մայրենի  լեզուն:  

     

           

         

     Խմբային  աշխատանքի  յուրատեսակ  այս  ձևը  շատ  են  սիրում  երեխաները:  Մրցույթի  այս  ձևը  ստիպում  է  բոլորին,  որ   ձգտեն   ու  հաղթեն,  գրեն  ու  արտասանեն  ճիշտ:

Հավելենք,  որ  մրցույթը  նվիրված  էր  Մեծ  Եղեռնի  զոհերի հիշատակին:  Ճիշտ  գրելով և  արտասանելով  հայերեն,  հստակ  իմանալով  մեր  ազգի  մեծամեծների  ստեղծագործությունները,  մեր  երեխաները  ևս  մեկ  անգամ  ապացուցեցին,  որ  որքան  էլ  սուր  լինի  թուրքի  յաթաղանը,  հայը  միշտ  կա  և  կլինի,  քանզի  ունի  նման  իմաստուն  զավակներ: 

Ով մարդկային արդարություն, թող որ թքնեմ քո ճակատին...

  Մեծ Եղեռնի  97-րդ տարելիցին  նվիրված  միջոցառում  էր  կազմակերպվել  5 ա  դասարանում  /դասղեկ Անահիտ Խեմչյան/:

Միջոցառման  ընթացքում  երեխաները  կարևոր  տեղեկություններ  ներկայացրին  Եղեռնի  դեպքերի,  թուրքերի  վայրագությունների  և  համայն  աշխարհի  լռության  մասին...

  Միջոցառման ընթացքում  հնչեցին  բանաստեղծություններ  նվիրված  Մեծ  Եղեռնի  զոհերի  հիշատակին:  Հնչեցին  նաև  Եղեռնին  զոհ  դարձած  մեր  մեծերի  ստեղծագործությունները:  Բեմադրվեցին  դրվագներ  Գրիգոր  Զոհրապի  և  Կոմիտասի  կյանքից:

  Ասմունքն  ընդհատվում  էր  հայրենասիրական  երգ  ու  պարով,  իսկ  Կոմիտասի  անմահ  ստեղծագործությունները  կարծես  զգացնել  էին  տալիս  այն  եղեռնական  օրերի  ցավն  ու  վիշտը:
Երեխաների  շուրթերով  մեկ  անգամ  ևս  հնչեց,  որ  այդ  ազգային  ցավն  ու  մորմոքը  տարիների  ընթացքում  չեն  մոռացվել:  Նրանք  համայն  մարդկությանը  զգոնության  կոչ  արեցին.  «Ճանաչե'ք  և  դատապարտե'ք  այդպիսի  ոճրագործությունները`  հետագայում  չկրկնվելու  համար»

Յուրաքանչյուրը հաղթում է յուրովի

   

Արտասովոր աշխուժություն  էր  տիրում  Իջևանի  «Հույսի Կամուրջ»  ՀԿ-ի դահլիճում:  Մայրաքաղաքից  ժամանել  էր  թատերական  խումբ,  որն  էլ  ներկայացրեց  «Յուրաքանչյուրը,  անկախ  իր  առողջական վիճակից,  կարող  է  հաղթել  իր  ձևով»  ներկայացումը:

 

      

Ներկայացումը  պատմություն  էր  մի  տղայի  մասին,  որը  չէր  կարողանում  քայլել,  բայց  ընդգրկված  էր  ֆուտբոլային  թիմում:  Մրցման  ժամանակ  նա  չի  կարողանում  խաղադաշտում  աջակցել  ընկերներին,  բայց  իր  օգտակար  խորհուրդներով  օգնում  է  թիմին:  Նրանք  հաղթում  են:  

Այո,  այդ  տղան  էլ  է  հաղթում,  հաղթում  է  իր  ձևով`  յուրովի:

մեդիա  ակումբից`

Արփինե  Վերանյան 

Ռոբերտ  Փալանդուզյան

Հայրենասիրության դաս

                           Հավերժ  է  այն  ազգը,  որ  ունի
                 հայրենանվեր,  զարգացած   ու  կրթված 
                սերունդ:
Հայրենասիրության  դաս  էր  4 բ  դասարանում  /դասվար  Մարետա  Անտոնյան/:  Թոթովախոս  մանուկների  շուրթերով  խոսում  էին  Մեծն  Վարդանը,  Զորավար  Անդրանիկը,  հայդուկապետ  Գարեգին  Նժդեհը,  մեր  ժամանակների  հերոսները...

Ներկայացվեցին  պատառիկներ  հայկական  ժողովրդական  ավանդույթներից, հնչեցին  հայրենասիրական  և  ազատատենչ  երգեր  ու  պարեր:

Կարծես   մի  ֆիլմ  էր,  որը   սկսում   էր   տառեր  գյուտով  և  վերջնական  հանգրվանը  գտնում հայոց  անկախ  Հայաստանում:  Այդ  ֆիլմում  կարոտ  կար  միացյալ  Հայաստանի  կառուցման  և  երազանք`  տեսնել  ամբողջական  Հայաստանը`  իր  կորուսյալ  և  վտարանդի  որդիներով:

                  

                    

                       

Գրքի տոն

           Օ՜, գրքերի աշխարհը – տիեզերք է անեզր:

Եղիշե  Չարենց

 5 Ա դասարանում դասղեկ Ա. Խեմչյանը  դասղեկի  ժամը  նվիրել  էր  գրքի  տոնին:    Դասի նպատակն  էր սեր  արթնացնել  ընթերցանության  ու  գրքի նկատմամբ:
        Հ. Թումանյանի,  Վ.  Սարոյանի  և  Գ. Նժդեհի  խոսքերն  ու  խրատները   դասը դարձրին  էլ  ավելի  խորիմաստ   ու  ուսանելի:   Նշվեց  նաև,  որ  այս  տարի  Երևանը  գրքի համաշխարհային մայրաքաղաքն  է:  Այս  խորհուրդը  միայն սիմվոլիկ  չէ, այլ  պետք  է յուրաքանչյուրը  յուրովի աջակցի  այդ  երևույթին:

                                       

Դասի  վերջում չմոռացան  օրվա  մյուս  խորհուրդը`  փետրվար 20-ը  նաև  գիրք  նվիրելու  օր  է: Երեխաները  միմյանց  նվիրեցին  հանելուկների գրքեր և  որոշեցին  օրը  դարձնել  ավանդական:

                   

Բարություն ամեն օր

                                                Որքան մարդը բարի է, այնքան ավելի շատ է                  
                                                 ուրիշների մեջ բարություն տեսնում:   
                                                                                    Բլեզ Պասկալ


Փետրվարի 17-ը   բարիության ինքնաբուխ արտահայտման միջազգային  օրն  է:  Տոնը  ոչ  պաշտոնական  է,  բայց  խորիմաստ:
Շտապեք  բարություն  անել,  բայց  ոչ  միայն այսօր,  այլ  ամբողջ  տարին  և  ամբողջ  կյանքում:  Այսպիսի  կարգախոս  ուներ  այսօրվա  հավաքույթ:  Հավաքվել  էին  աշխորհրդի  անդամները,  մեդիա  ակումբի  և  բանավեճի  ակումբի  անդամները:  Մեկը  մեկի  հերթ  չտալով  պատմում  էին  կատարած  ու  լսած բարի  գործերի մասին, ներկայացնում  էին  առածներ  ու  աֆորիզմեր  բարու  և  չարի  հակամարտության մասին:Առաջադրում  էին  իրադրություններ,  ներկայացնում  իրենց  վարքագիծը  տվյալ  իրադրության  մեջ:

Հավաքույթը,  որն  ի  սկզբանե  պետք  է  բանավեճ  լիներ,  համերաշխության,  հանդուրժողականության  և համաձայնության  հիանալի  դաս  էր  ներկաների  համար:  Բոլորը  համաձայն  էին,  որ  բարությունը  կփրկի  մարդկությանը,  չարությունը  կհասցնի կործանման:  Լինենք  բարի  մեր  բարեկամի,  ընկերոջ,  հարազատի  ...  նկատմամբ: