Հաղորդակցման տեխնոլոգիաների կիրառումը առաջադրում է անվտանգության որոշակի միջոցների կիրառում` ապահովություն վիրուսներից, կիբերհետապնդումից, փոստաղբից և այլն:
Անվտանգ ինտերնետ: Այսպիսին էր ապրիլի 6-ին 7-րդ բ դասարանում անցկացվող բաց դասի թեման:
Նախ քննարկեցինք առցանց հաղորդակցման ընթացքում առաջացող իրավիճակներ: Աշակերտների կողմից տրվեցին իրարամերժ լուծումներ:
Քննարկումից հետո համացանցային (www.safe.am) esafety kit ծրագրի միջոցով ծանոթացանք անվտանգ ինտերնետի ոսկե կանոններին: Երեխաներից շատերը հաջողությամբ կատարեցին առաջադրված թեստային աշխատանքները:
Դասի թեման հետաքրքիր էր ու արդիական: Այն հարցին, թե կօգտագործեն այդ կանոնները առցանց հաղորդակցման ժամանակ, երեխաներից մի քանիսը արձագանքեցին այսպես.
<< Ես սիրում եմ առցանց հաղորդակցությունը: Հաճախակի տեղեկույթ, երաժշտություն և խաղեր եմ ներբեռնում: Այսօր ես շատ ավելին սովորեցի:>> Վահե Վանեսյան
<<Բավական չէ, որ ես սովորեցի: Խորհուրդ կտամ նաև իմ ընկերներին:>> Վլադիմիր Առաքելյան
<<Երբեք չեմ մտածել անվտանգության մասին, քանզի չգիտեի վտանգների մասին: Արդեն ավելի ուշադիր կլինեմ:>> Ռոբերտ Փալանդուզյան
Դասին ներկա ուսուցիչները ևս շատ անհայտներ պարզեցին: Նրանց գոհացրեց աշակերտների ակտիվությունը, տարբեր իրավիճակներում կողմնորոշվելու և ճիշտ որոշումներ կայացնելու ունակությունը:
Ինֆորմատիկայի ուսուցչուհի Մարիամ Այդինյան
Комментариев нет:
Отправить комментарий